శ్రీపాద శ్రీనివాసుకు మద్దూరి అవార్డు

హైదరాబాద్, మార్చి 15 : ప్రముఖ స్వాతంత్ర సమరయోధుడు దివంగత మద్దూరి అన్నపూర్ణయ్య పేరున నెలకొల్పిన “ శ్రీ మద్దూరి అన్నపూర్ణయ్య స్మారక అవార్డు” కు శ్రీపాద శ్రీనివాసును ఎంపిక చేశారు. శ్రీపాద తెలంగాణ ఆసెంబ్లీలోని కాంగ్రెస్ శాసనసభ పక్షకార్యాలయంలో పనిచేస్తున్నారు. ఆయన రచించిన పలు కధలు, కవితలు ఇటీవల ఆల్ ఇండియా రేడియో, హైదరాబాదు కేంద్రం ద్వారా ప్రసారమాయ్యాయి. ప్రముఖ పత్రికల్లో కూడ ప్రచురితమయ్యాయి. ఆల్ ఇండియా రేడియో, హైదరాబాద్ కేంద్రం ద్వారా
రేడియోలో ప్రసారమైన కధలలో గోదావరి అలలలో అమ్మపిలుపు, నిరీక్షణ, అమ్మ బీరువా, అంతరాత్మ – పరమాత్మ, వాస్తవిక దర్పణాలు – వాట్సప్ గ్రూపులు, ఆత్మ బందువు… పండుటాకు, వందే భారత్ ట్రైన్ లో తొలి ప్రయాణం ఉన్నాయి. శ్రీనివాస్ సంకలన కర్తగా: (1) “గుండె చప్పుళ్ళు” (2) “చట్టసభల్లో గోదావరి గళం” ప్రచురితం అయ్యాయి.