హాజరైన గవర్నర్, సీఎం, మంత్రులు
విజయవాడ, జూన్ 22 : సుప్రీంకోర్టు న్యాయమూర్తిగా బదిలీ అయినా జస్టిస్ ప్రశాంత్ కుమార్ మిశ్రా గౌరవార్ధం గురువారం ఆంధ్ర ప్రదేశ్ రాష్ట్ర ప్రభుత్వం విందు ఏర్పాటుచేసింది. ఈ విందు కార్యక్రమంలో గవర్నర్ అబ్దుల్‌ నజీర్, ముఖ్యమంత్రి వైఎస్‌ జగన్, ఏపీ హైకోర్టు యాక్టింగ్‌ చీఫ్‌ జస్టిస్ ఆకుల వెంకట శేషసాయి పాల్గొన్నారు. విజయవాడ ఎ కన్వెన్షన్‌ సెంటర్‌లో ఏర్పాటైన కార్యక్రమంలో జస్టిస్ ప్రశాంత్ కుమార్ మిశ్రాను సీఎం సత్కరించి, మొమెంటో అందజేసారు. ఈ కార్యక్రమానికి పలువురు హైకోర్టు న్యాయమూర్తులు, మంత్రులు, ఎమ్మెల్సీలు, ఎమ్మెల్యేలు, చీఫ్‌ సెక్రటరీ, డీజీపీ, రాష్ట్ర ప్రభుత్వ ఉన్నతాధికారులు, న్యాయవాదులు, ప్రజా ప్రతినిధులు హాజరయ్యారు. కార్యక్రమం అనంతరం సీఎం సతీసమేతంగా మిశ్రా దంపతులను కలిశారు.
