వార్షిక నివేదికను అంద‌జేసిన సభ్యులు
అవినీతి నిర్మూల‌న‌లో ఏజెన్సీల పాత్ర పుస్త‌క ఆవిష్క‌ర‌ణ
అమ‌రావ‌తి, ఏప్రిల్ 29: మానవ హక్కుల కమిషన్ శుక్ర‌వారం నాడు ఏపీ సీఎం వైయ‌స్ జ‌గ‌న్మోహ‌న్ రెడ్డిని క‌లిసింది. క్యాంప్‌ కార్యాలయంలో ముఖ్యమంత్రి వైఎస్‌ జగన్‌కు మానవ హక్కుల కమిషన్ (హెచ్ఆర్సీ) 2021 – 22 వార్షిక నివేదికను అందజేసింది. హెచ్ఆర్సీ చైర్మన్ జస్టిస్‌ మంధాత సీతారామమూర్తి, సభ్యులు దండే సుబ్రహ్మణ్యం, డాక్టర్‌ శ్రీనివాసరావు గోచిపాత ఈ నివేదికను ముఖ్య‌మంత్రికి అంద‌జేశారు. కమిషన్ సభ్యుడు డాక్టర్‌ జి. శ్రీనివాసరావు రచించిన కంబాటింగ్‌ కరప్షన్‌ ఇన్‌ ఇండియా – రోల్‌ ఆఫ్‌ యాంటీ కరప్షన్‌ ఏజెన్సీస్ అనే పుస్తకాన్ని సీఎం జ‌గ‌న్ ఈ కార్య‌క్ర‌మంలో ఆవిష్కరించారు.
హెచ్ఆర్సీ చైర్మన్ జస్టిస్‌ మంధాత సీతారామమూర్తితో పాటు సీఎంని కలిసిన జ్యుడిషియల్‌ సభ్యులు దండే సుబ్రహ్మణ్యం, నాన్‌ జ్యుడిషియల్‌ సభ్యులు డాక్టర్‌ శ్రీనివాసరావు గోచిపాత, హెచ్ఆర్సీ సీఈవో, సెక్రటరీ ఎస్ వి. రమణమూర్తి, కమిషన్ అధికారులు బొగ్గరం తారక నరసింహ కుమార్, కే.రవికుమార్ ఈ కార్య‌క్ర‌మంలో పాల్గొన్నారు.
