సీఎంకు టీటీడీ చైర్మ‌న్ ఆహ్వానం

4న అమ‌రావ‌తి ఆల‌య ప్రారంభం
అమరావతి, జూన్ 1: ఏపీ సీఎం క్యాంప్‌ కార్యాలయంలో ముఖ్యమంత్రి వైఎస్‌ జగన్‌ను టీటీడీ చైర్మ‌న్ వైవీ సుబ్బారెడ్డి క‌లిశారు. అమరావతిలో కొత్తగా నిర్మించిన శ్రీ వేంకటేశ్వరస్వామి వారి దేవస్ధానం ప్రారంభోత్సవానికి సీఎంను ఆహ్వానించారు. ఈ నెల 04నుంచి విగ్రహ ప్రతిష్టకు సంబంధించిన పూజా కార్యక్రమాలు ప్రారంభం, 09న విగ్రహ ప్రాణ ప్రతిష్ఠ, మహా సంప్రోక్షణ కార్యక్రమాలు ప్రారంభ‌మ‌వుతాయి.
ముఖ్యమంత్రికి స్వామివారి ప్రసాదాలు అందజేసి టీటీడీ వేద పండితులు ఆశీర్వ‌చ‌నాన్ని అందించారు. టీటీడీ చైర్మన్‌ వైవీ సుబ్బారెడ్డి ఆహ్వాన ప‌త్రాన్ని సీఎంకు అంద‌జేశారు. ఆయ‌న వెంట జేఈవో వి.వీరబ్రహ్మం, సీఎస్‌వో నరసింహ కిశోర్, చీఫ్‌ ఇంజనీర్‌ డి.నాగేశ్వరరావు ఉన్నారు.