హైద‌రాబాద్‌, న‌వంబ‌ర్ 21: ముఖ్య‌మంత్రులైతే మాత్రం ఆట‌విడుపు ఉండొద్దా! ఎప్పుడూ రాజ‌కీయాలేనా! ఇలాంటి సంద‌ర్భాలు ఉన్న‌త స్థానాల‌లో ఉన్న వారికి అతి అరుదుగా దొరుకుతుంటాయి.
ఆ కాసేపు రాజ‌కీయాల‌ను మ‌రిచిపోయి హాయిగా ముచ్చ‌ట్లాడుకుంటారు. ఎవ‌రేమ‌న్నా అనుకోనీ…చ‌క్క‌గా వారి ప్ర‌పంచంలో విహ‌రిస్తారు. ఇదిగో ఇది అలాంటి సంద‌ర్భ‌మే వారికి.
తెలంగాణ స్పీక‌ర్ పోచారం శ్రీ‌నివాస‌రెడ్డి కుమార్తె వివాహానికి ఆంధ్ర ప్ర‌దేశ్ ముఖ్య‌మంత్రి వైయ‌స్ జ‌గ‌న్మోహ‌న్ రెడ్డి హాజ‌ర‌య్యారు. అదే స‌మ‌యానికి తెలంగాణ ముఖ్య‌మంత్రి కె. చంద్ర‌శేఖ‌ర‌రావు కూడా విచ్చేశారు.
ఇద్ద‌రూ ప‌క్క‌ప‌క్క‌నే కూర్చుని స‌ర‌దాగా మాట్లాడుకున్నారు. వారి మాట‌ల్లో రాజ‌కీయాలే ఉన్నాయో…ముచ్చ‌ట్లే ఉన్నాయో…క‌ష్టాలే చెప్పుకున్నారో..మోడీ గురించి మాట్లాడుకున్నారో..దేవుడికే ఎరుక.
కానీ ఇద్ద‌రి హావ‌భావాలు చూస్తుంటే ఉల్లాసంగా మాట్లాడుకున్న‌ట్లే క‌నిపించింది. ఇద్ద‌రూ క‌లిసి భోజ‌నం కూడా చేశారు.
వ‌ధూవ‌రుల‌ను ఆశీర్వ‌దించారు. ఆపై ఎవ‌రి దారిన వారు వెళ్ళారు. ఏపీ ముఖ్య‌మంత్రి అమ‌రావ‌తికి, తెలంగాణ సీఎం ఢిల్లీకి వెళ్ళిపోయారు.
