మే 4 దాసరి నేషనల్ ఫిల్మ్ అండ్ టీవి నేషనల్ అవార్డ్స్

అతిధులుగా తెలుగు రాష్టాల ముఖ్య‌మంత్రులు
హైద‌రాబాద్‌, మార్చి 16: దర్శక దిగ్గజం దివంగత దాసరి నారాయణరావు జయంతిని పురస్కరించుకుని దాసరి కల్చరల్ ట్రస్ట్ , ఇమేజ్ ఫిలింస్ సంయుక్తంగా దాసరి పేరిట అవార్డుల‌ను ప్రదానం చేయనున్నారు.‌
నిర్మాత తాడివాక రమేష్ నాయుడు మాట్లాడుతూ.. ‌నా గురువు, దైవం అయిన దాసరి పేరిట ప్రతి ఏటా ఫిల్మ్ అండ్ టివి నేషనల్ అవార్డ్స్ ఇవ్వాలని సంకల్పించామ‌ని తెలిపారు. పాన్ ఇండియా లెవెల్‌లో అన్ని భాషా చిత్రాల టెక్నీషియన్స్‌కు దాసరి నేషనల్ అవార్డ్ లను ప్రదానం చేయబోతున్న‌ట్లు చెప్పారు. ఇప్పటికే “దాసరి నారాయణరావు మెమోరియర్ కల్చరల్ ట్రస్ట్” ఏర్పాటు చేశారు. వివిధ భాషలకు చెందిన కళాకారులు-సాంకేతిక నిపుణులకు జీవన సాఫల్య పురస్కారాలు (లైఫ్ టైమ్ అచీవ్మెంట్ అవార్డ్స్) ఇస్తున్నామ‌ని వివ‌రించారు. భారీ స్దాయిలో హైదరాబాదులో ఏర్పాట‌య్యే ఈ కార్యక్రమానికి తెలుగు ముఖ్య‌మంత్రులను ముఖ్య అతిథులుగా ఆహ్వానిస్తున్నామ‌ని చెప్పారు. వేదిక, అవార్డు కమిటీ సంబంధించిన వివరాలను త్వరలోనే తెలియచేస్తామని ర‌మేష్ వెల్ల‌డించారు.