కృష్ణ‌కు నివాళులు అర్పించ‌నున్న జ‌గ‌న్‌

హైద‌రాబాద్‌కు బుధ‌వారం ప‌య‌నం
అమ‌రావ‌తి, న‌వంబ‌ర్ 15: సినీ న‌టుడు సూప‌ర్ స్టార్ కృష్ణ పార్థివ దేహానికి నివాళులు అర్పించ‌డానికి ఏపీ సీఎం వైయ‌స్ జ‌గ‌న్మోహ‌న్ రెడ్డి బుధ‌వారం హైద‌రాబాద్ వెడుతున్నారు. ఉదయం 9.30 గంటలకు తాడేపల్లి నివాసం నుంచి బయలుదేరి మధ్యాహ్నం 11.20 గంటలకు పద్మాలయా స్టూడియోస్‌కు చేరుకుంటారు. అక్కడ సూపర్‌స్టార్‌ కృష్ణ పార్ధివ దేహానికి నివాళులర్పించనున్నారు. అనంతరం అక్కడి నుంచి బయలుదేరి 1.30 గంటలకు తాడేపల్లి నివాసానికి చేరుకుంటారు. తొలుత మంగ‌ళ‌వారం జ‌గ‌న్ త‌న దిగ్భ్రాంతిని వ్య‌క్తంచేశారు. ఆయ‌న ఆంధ్ర జేమ్స్‌బాండ్‌గా పేరుపొందిన కృష్ణ తెలుగు సినీ ప‌రిశ్ర‌మ‌లో ఎంతో కాలం ప‌నిచేశార‌న్నారు. అల్లూరి సీతారామ‌రాజు చిత్రంలో ఆయ‌న న‌ట‌న నిరుప‌మానమన్నారు. ఆయ‌న మృతికి జ‌గ‌న్ సంతాపం తెలిపారు. కుటుంబ స‌భ్యుల‌కు సానుభూతి వ్య‌క్తంచేశారు.