తాతినేని రామారావు అస్త‌మ‌యం

య‌మ‌గోల చిత్రంతో ఈ త‌రానికి ప‌రిచ‌యం
చెన్నై, ఏప్రిల్ 20: ప్ర‌ముఖ సినీ ద‌ర్శ‌కుడు తాతినేని రామారావు క‌న్నుమూశారు. ఆయ‌న వ‌య‌సు 84. చెన్నైలోని శ్రీ‌రామ‌చంద్ర ఆస్ప‌త్రిలో చికిత్స పొందుతూ తుది శ్వాస విడిచారు. ఎన్టీఆర్ న‌టించిన య‌మ‌గోల చిత్రాన్ని ఆయ‌న డైరెక్ట్ చేశారు. ఆ చిత్రం సూప‌ర్ డూప‌ర్ హిట్ అయ్యింది. ఎన్టీఆర్ రెండో ఇన్నింగ్సుకు అది తొలి చిత్రం. ఆ చిత్రం నుంచి ఆయ‌న కెరీర్ మ‌లుపు తిరిగింది. హిందీ, తెలుగు కలిసి ఆయ‌న మొత్తం 70 చిత్రాల‌కు ద‌ర్శ‌క‌త్వం వ‌హించారు. ఖ‌బ‌ర్దార్‌, బులంద్‌, ఏ దేశ్‌, ముకాబ్లా త‌దిత‌ర హిందీ చిత్రాల‌కు ఆయ‌న ద‌ర్శ‌క‌త్వం వ‌హించారు. తాతినేని ప్ర‌కాశ‌రావు ఆయ‌న‌కు క‌జిన్ అవుతారు. ప్ర‌త్య‌గాత్మ వ‌ద్ద ఆయ‌న అసిస్టెంట్ డైరెక్ట‌ర్‌గా ప‌నిచేశారు. 1966లో ఆయ‌న న‌వ‌రాత్రి చిత్రంతో సినీ రంగ ప్ర‌వేశం చేశారు. ఏఎన్నార్ ఇందులో హీరో. ఇది త‌మిళ్ రీమేక్ మూవీ. బ్ర‌హ్మ‌చారి, మంచి మిత్రులు, సుపుత్రుడు చిత్రాల‌ను ఆయ‌న డైరెక్ట్ చేశారు.