ఎక్కడ ఎలాంటి పరిణామం చోటుచేసుకున్నప్పటికీ అందరి దృష్టి ఒక సెలెబ్రిటీపై ఉంటుంది. ఆయన వైఖరి అలాంటిది మరి. ఆయన ట్వీట్లు చేస్తే అభిమానులు పులకించిపోతారు.
బ్రహ్మ రథం పడతారు. వాస్తవానికి ఆయన చేసే ట్వీట్లు ఒక్కోసారి అసంబద్ధంగా అనిపించినప్పటికీ లక్షలాదిమంది రీట్వీట్ చేస్తారు. కామెంట్ చేస్తారు. తిట్టేవాళ్లూ ఉంటారు. ఇవేవి ఆయనకు పట్టవు. అందుకే ఆయన ఆర్జీవీ.
తాజాగా తెలంగాణాలో అసెంబ్లీ ఎన్నికల ఫలితాల నేపథ్యంలో చేసిన ట్వీట్లు ఇప్పుడు ప్రాధాన్యత సంతరించుకున్నాయి. గతంలో తాను చేసిన ట్వీట్లను కూడా ఆయన ఈ సందర్భంగా గుర్తు చేశారు. రేవంత్ రెడ్డిపై ఆయన చేసిన తాజా ట్వీట్, గతంలో చేసిన ట్వీట్ ఇక్కడ పొందుపరుస్తున్నాం.
