ములుగు రామ‌లింగ సిద్ధాంతి హ‌ఠాన్మ‌ర‌ణం

ఏపీ సీఎం జ‌గ‌న్ దిగ్భ్రాంతి
హైద‌రాబాద్‌, జ‌న‌వ‌రి 23: ప్ర‌ముఖ జ్యోతిష్యుడు ములుగు రామ‌లింగ సిద్ధాంతి హఠాత్తుగా క‌న్నుమూశారు. సాయంత్రం శ్వాస పీల్చుకోవ‌డంలో ఇబ్బంది క‌ల‌గ‌డంతో ఆయ‌న‌ను పంజ‌గుట్ట‌లోని ఓ ఆస్ప‌త్రికి త‌ర‌లించారు. మార్గ మ‌ధ్యంలోనే ఆయ‌న తుది శ్వాస విడిచిన‌ట్లు నిమ్స్ వైద్యులు తెలిపారు. వార ఫ‌లాలు చెబుతూ ఆయ‌న తెలుగు ప్ర‌జ‌ల‌కే కాక‌, విదేశాల్లో ఉన్న వారికి కూడా చేరువ‌య్యారు. నాలుగు ద‌శాబ్దాల‌కు పైగా ఆయ‌న పంచాంగం, రాశి ఫ‌లాలు చెబుతున్నారు. శ్రీ‌శైలంలో ఆశ్ర‌మాన్ని స్థాపించారు. ప్ర‌తి మాస శివ‌రాత్రికి పాశుప‌త హోమాలు నిర్వ‌హిస్తున్నారు. పూర్వాశ్ర‌మంలో ఆయ‌న మిమిక్రీ క‌ళాకారుడు. ఎమ్ఆర్ ప్ర‌సాద్‌గా సుప‌రిచితులు. ములుగు రామ‌లింగ సిద్ధాంతి మృతి ప‌ట్ల ఏపీ సీఎం జ‌గ‌న్ సంతాపం తెలిపారు. కుటుంబ స‌భ్యుల‌కు సానుభూతిని తెలిపారు.