కృష్ణ స‌తీమ‌ణి ఇందిరాదేవి క‌న్నుమూత
హైద‌రాబాద్‌, సెప్టెంబ‌ర్ 28: సూప‌ర్ స్టార్ కృష్ణ స‌తీమ‌ణీ, మ‌హేష్‌బాబు త‌ల్లి అయిన ఇందిరా దేవి తుది శ్వాస విడిచారు. ఆమె వ‌య‌సు 70 సంవ‌త్స‌రాలు. ఆమె కొద్దికాలంగా అనారోగ్యంతో బాధ‌ప‌డుతున్నారు. చెన్నైలో చికిత్స పొంది ఇటీవ‌లే హైద‌రాబాద్‌కు తిరిగి వ‌చ్చారు. ఏఐజీ ఆస్ప‌త్రిలో చికిత్స పొందుతూ ఆమె మ‌ర‌ణించారు. బుధ‌వారం తెల్ల‌వారుజామున 4గంట‌ల ప్రాంతంలో ఆమె క‌న్నుమూశారు. నిద్ర లోనే శాశ్వ‌త నిద్ర‌లోకి జారుకున్నార‌ని కుటుంబ‌స‌భ్యులు తెలిపారు.
కృష్ణ, ఇందిరాదేవి దంప‌తుల‌కు ఐదుగురు సంతానం. ర‌మేష్ బాబు, మ‌హేష్ బాబు, ప‌ద్మావ‌తి, మంజుల, ప్రియ‌ద‌ర్శిని. కృష్ణ దంప‌తుల‌కు మ‌హేష్ బాబు రెండో సంతానం. ర‌మేష్ బాబు కొద్ది నెల‌ల క్రితం అనారోగ్యంతో మ‌ర‌ణించారు. ఇందిరా దేవి మ‌ర‌ణంతో కృష్ణ కుటుంబం శోక సంద్రంలో మునిగిపోయింది.
