మీలో ఎవ‌రు కోటీశ్వ‌రుడులో కోటి గెలుచుకున్న అసాధ్యుడు
ఆట నాది కోటి మీది అంటూ ఊరిస్తున్న మీలో ఎవ‌రు కోటీశ్వ‌రుడులో చ‌రిత్ర న‌మోదైంది. మీలో ఎవ‌రు కోటీశ్వ‌రుడు మూడో సీజ‌న్‌లో ఓ స‌బ్ ఇన్‌స్పెక్ట‌ర్ ఆ చ‌రిత్ర‌ను సృష్టించారు. తెలుగులో నిర్వ‌హిస్తున్న ఈ కార్య‌క్ర‌మంలో కోటి రూపాయ‌లు గెలుచుకున్న తొలి పోటీదారుగా నిలిచారు. కొత్త‌గూడేనికి చెందిన రాజా ర‌వీంద్ర పోలీసు శాఖ‌లోని సైబ‌ర్ క్రైమ్ విభాగంలో స‌బ్ ఇన్‌స్పెక్ట‌ర్‌గా ప‌నిచేస్తున్నారు. ఆయ‌న వ‌య‌సు 33 సంవ‌త్స‌రాలు. క్రీడల‌లో కూడా ప్రావీణ్య‌ముంది. జాతీయ, అంత‌ర్జాతీయ పోలీస్ క్రీడా పోటీల‌లో పాల్గొన్నారు. ఎన్నో ప‌త‌కాల‌ను సాధించారు. జూనియ‌ర్ ఎన్టీఆర్ నిర్వ‌హిస్తున్న మీలో ఎవ‌రు కోటీశ్వ‌రుడులో చ‌రిత్ర సృష్టించిన సామాన్యుడు…కోటి రూపాయ‌లు సొంత చేసుకున్న పోటీదారు త్వ‌ర‌లో అంటూ కొన్ని రోజులుగా ప్ర‌క‌ట‌న కూడా వస్తోంది. ఈ అంశంపై జెమినీ టీవీ ఒక ప్ర‌క‌ట‌న విడుద‌ల చేసింది. Meelo Evaru Koteeswarudu
దీనికి సంబంధించిన ఎపిసోడ్స్ ఈ సోమ‌వారం, మంగ‌ళ‌వారం అంటే 15,16 తేదీల‌లో ప్ర‌సారం కాబోతున్నాయి. ఇక కోటి గెలుచుకున్న రాజా ర‌వీంద్ర ల‌క్ష్యం కూడా స‌మున్నతంగానే ఉంది. ఒలింపిక్స్ పోటీల ఎయిర్ రైఫిల్ షూటింగ్‌లో పాల్గొన్ని మెడ‌ల్ సాధించాల‌న్న‌దే ఆయ‌న ఆకాంక్ష. గెలుచుకున్న కోటి రూపాయ‌ల‌నూ ఆ ఆకాంక్ష‌ను నెర‌వేర్చ‌డానికి వెచ్చిస్తాన‌ని రాజా ర‌వీంద్ర హాట్ సీట్‌పై వెల్ల‌డించారు. ఇంత‌కూ ఆయ‌న‌కు ఎలాంటి ప్ర‌శ్న‌లు వ‌చ్చాయి… ఆయ‌న ఎలా స‌మాధానం ఇచ్చారు అనే వివ‌రాల‌ను చూసేందుకు అంతా సిద్ధంగా ఉన్నారు. Telugu latest news
