జై పాతాళభైరవి..!

Date:

మాస్ట‌ర్ పీస్ విడుద‌లై మార్చి 15కు 71 ఏళ్ళు
(ఎలిశెట్టి సురేష్ కుమార్, 9948546286)

సాహసం సేయరా ఢింబకా..
ఓ తోటరాముడు ..
నేపాలీ మాంత్రికుడు..
వరాలిచ్చే బుల్లి బొమ్మ ..
కె వి రెడ్డి జాలం..
తిరుగులేని విజయం..
పాతాళభైరవి..
ఇరవై మూడు రీళ్లు..
విడుదలై నేటికి డెబ్బైయేళ్లు..

చూస్తున్నది సినిమానా..
మన ఎదురుగా జరుగుతున్న జానపద ఇతివృత్తమా..
అన్నంత సహజంగా కళ్ళకు కట్టిన దృశ్యకావ్యం..
తోటరాముడి అమాయకత్వం..
దానిని తన స్వార్థం కోసం వాడుకునేందుకు
మాంత్రికుడి యత్నం..
ఈ ప్లాట్ చుట్టూ
మూడు గంటలకు
పైగా సాగిన కథ..
ఓ చరిత్ర..
ఎన్టీఆర్ కు స్టార్ డం..
ఎస్వీఆర్ కు
మహానటుడి స్థాయి..
పద్మనాభం,గిరిజ,సిఎస్సార్
ఇలా ఎందరో నటులకు మహర్దశ..
బాలకృష్ణకి అంజి అనే పెర్మనెంట్ పేరు..
సావిత్రికి అరంగేట్రం..
విజయా సంస్థకు
ఒక బ్రాండ్ హోదా..
ఇంకా ఎన్ని విశేషాలు..
ఎంత చెప్పుకున్నా సశేషాలు..
నాగిరెడ్డి,చక్రపాణి…
ఈ హిస్టరీ వెనక ఉన్న
తిరుగులేని బాదుషాలు!

నిజానికి అల్లాఉద్దీన్ కథ
దానికి తెలుగుదనం అద్ది..
తోటరాముడిని తీర్చిదిద్ది..
యశస్వి రంగారావును
భయం గొలిపే
మాంత్రికుడిగా అచ్చుగుద్ది..
సదాజపా అన్న పిలుపు..
సంజీవినిని సిద్ధం సాయరా..
అనే హుకుం..
గెడ్డమేలనే అడ్డం..
ఇలాంటి మురిపింపు..
ఎంత ఘాటు ప్రేమయో
అంటూ ప్రేమ పులకింపు..
ప్రతి ఉదంతం కనులకింపు..

ప్రేమకోసమై వలలో పడెనే పాపం పసివాడు..
అయ్యో పాపం పసివాడు..
ఇలా మాయావిని నమ్ముకుని..
తోటరాముడి సాహసయాత్ర..
మొసలితో యుద్ధం..
సాష్టాంగం రాదనే
ఎన్టీవోడి యుక్తి…
బోర్లా పడిన రంగారావు తలను
జై పాతాళభైరవీ అంటూ
ఒక్క వేటున నరికిన వైనం..
అటు పిమ్మట బీభత్సం
నరుడా ఏమి నీ కోరిక..
దేవత ప్రత్యక్షమై వరాలివ్వడం
ప్రతి దృశ్యం..
ఇప్పటికీ సజీవంగా..
విజయావారి దృశ్యకావ్యం..
రాకపోయినా ఆస్కార్..
చెక్కుచెదరని ప్రేక్షకాదరణే
తిరుగులేని పురస్కార్..!

నరుడా ఏమి నీ కోరిక..

మళ్లీ ఎన్టీఆర్ తిరిగొచ్చి
తోటరాముడిగా
కనిపిస్తే చూడాలని..
సాహసం
సేయరా ఢింబకా..ఎస్వీఆర్
అంటూ ఉంటే వినాలని..
గాలిలో ఎగురుతున్న భవనంపై
ఆ ఇద్దరి యుద్ధం కాంచాలని..
అలా పాతాళభైరవి
బయోస్కోప్ పదేపదే
తిలకించాలని..
తిలకించి పులకించాలని..!

డెబ్బై ఒక్క వసంతాలు
పూర్తయిన సందర్భంగా
ఆ మనోహర దృశ్యకావ్యంపై
ఓ అవలోకనం..

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

ఉషశ్రీ స్వరంలో వ్యాసోచ్చిష్టం

గురుపౌర్ణమికి వ్యూస్ ప్రత్యేకంగురువంటే ఎవరు? సకల విద్యలూ నేర్పేవాడు మాత్రమేనా? అంతకు...

ఈ తపోనిధి పురాణ ఇతిహాస నిధి హైందవ వాజ్మయ పెన్నిధి

ఆషాఢ మాసంలో వచ్చే పౌర్ణమిని గురు పూర్ణిమ లేదా వ్యాస పూర్ణిమ...

సులభతర రీతిలో రాజ్యాంగం

శ్రీదేవి మురళీధర్ రచన(డాక్టర్ వైజయంతి పురాణపండ)భారత రాజ్యాంగం…ఈ మాట ప్రతి అసెంబ్లీ...

ఎం ఎస్ ఆచార్యవర్యునికి అక్షర నీరాజనం

శ్రీ వేంకటేశ్వరస్వామిని రోజూ మాడభూషి శ్రీనివాసాచార్య సుప్రభాతంలో స్తుతి చేసేవారు.  రేఖామయధ్వజ సుధాకలశాతపత్ర వజ్రాఙ్కుశామ్బురుహ కల్పకశఙ్ఖచక్రైః । భవ్యైరలఙ్కృతతలౌ...